2011-02-08

輝記車仔麵


經常都到電影中心睇戲,而廟街那頭有好多平靚正嘢食,如牛雜、雞粥、煲仔飯、蠔餅等等,最啱我呢啲庶民。今晚發現牛雜條街有檔車仔麵,街邊開幾張枱,很有風味,於是去試下(其實想試好耐,但每次經過都未開門營業)。一食就係好懷念的味道,無錯,就係細個時在屋邨街邊大牌檔食車仔麵的味道。叫了粗麵魚蛋豬皮蘿蔔和腩汁芥蘭,份量足,魚蛋豬皮爽口,蘿甜腍入味,腩汁芥蘭仲加送一舊牛腩,一食,香腍。而在排隊叫餸時我才發現店主有一隻手是傷殘的,但他很勤快,又煮麵又切菜又執枱,還煮得一手好麵,殘而不廢,令我敬佩。香港地著實有不少身體不殘但腦殘的廢人,店主輝哥可算是講到陳腔濫調「香港精神」自強不息的活生生例子。看來去電影中心睇戲,又多了一個搵食好地方。希望小檔能經營下去。


輝記車仔麵: 油麻地鴉打街


沒有留言:

七夕的莫名孤寂 Inexplicable Loneliness

  是日七夕 莫名孤寂 一早起床 在滂沱大雨下 打著傘 在一條陋巷中 獨自 在等待⋯⋯